Kaina sa amon ginhiwat nga City Development Council Meeting aton na gin-aprubahan ang Annual Investment Program (AIP) sang Roxas City sa 2023 nga naglab-ot sa ₱ 10, 919,713, 064.
Nakasulod diri ang ₱1. 226 billion Local Fund nga ginlakipan sang 20% Development Fund, Children Fund, LDRRM Fund, Gender and Development Fund, Special Education Fund, Senior Citizens kag PWD Fund kag iban pa.
Ang 9.6 billion sini nga External Fund ang pagapangitaan naton sang pondo sa iban nga ahensya sang gobierno agud mahatagan katumanan ang implementasyon para sa kaayuhan sang syudad sa General Public Services Sector, Social Service, Economic Services kag Environment and Natural Resources Service Sector.
Ang naaprubahan nga 20 Development Fund nga naglab-ot sa ₱172,683,271 magakadto sa konstruksyon sang New Roxas City Hall kag City Government and Business Center, Repairs, Rehabilitation, Construction, Re-Blocking/ Asphalt Overlay sang City Roads kag Barangay Roads, Drainage System, Power Supply System, Promenade, Parks, iban pa nga Infrastructure Projects, suporta sa mga Priority Development Projects sa kabarangayan labi sa tanan ang pagpadayon sang Bugas Para sa Taga Roxas Food Security Program kag madamo pa nga programa kag proyekto nga makabulig sa pumoluyo.
Madamo gid nga Salamat sa tanan nga katapo sang CDC nga nagtambong sa sinapol kag nangin kaupod naton sa pagpreparar kag pag-aprubar sang pondo nga kinahanglan sang aton syudad sa masunod tuig. Kabahin ini gihapon sa aton pagtinguha nga matuman ang aton tinutuyo para sa BIGGER, BETTER, BRIGHTER Roxas City sa 2024.
