Gin-aprubahan sa ginpatawag nga emergency meeting sang aton City Disaster Risk Reduction and Management Council ang LDRRMF QRF Ulitization Plan sang Roxas City matapos nga ginpaidalum ang probinsya sang Capiz sa State of Calamity bangud sa Dengue Outbreak.
Pinaagi sini, mas mangin madasig ang pagresponde sa mga kinahanglanon agud matapna ang pagsaka sang kaso sang dengue sa syudad.
Luyag namon ipahibalo sa inyo nga sa pinakaulihi nga datus sang City Health Office naglab-ot na sa 639 ang biktima sang makamamatay nga lamok sa Roxas City kag isa na ang ginbawian sang kabuhi.
Gani kita padayon nga nagapanawagan sa aton tanan nga kasimanwa nga magkooperar sa mga inisyatibo agud mauntat ang pagdamo pa sang nasambit nga balatian.
Ang nasambit nga meeting ginpangunahan sang aton City Administrator Love Usison.
