Ang aton mga mangunguma wala gid sang patubas bangud sa epekto sang El Niño. Halos 50% sang ulumhan sa Roxas City nagkalapiyerde, ang mga humay, arikutoy ang pagtubo kag ang mga uma nagalitik na sa sobra nga init.
Nagapasalamat ako sa PhilRice sa paghatag sang libre nga binhi sang humay sa mga mangunguma agud itanum nila kon mag-ulan na.
Subong nga aga, gin-updan namon ang distribusyon sang Certified Palay Seeds sa 259 ka mangunguma halin sa 9 ka barangay (Sibaguan, Tanza, Mongpong, Gabuan, Dayao, Cagay, Baybay, Culasi kag Banica). Kabahin ini sa mga ayuda nga ginahatag agud mapahagan-hagan ang ila problema. Tinguhaan man naton nga magdihon sang mga proyekto nga magasiguro nga padayon sila nga makatanum sa tiyempo man sang tingulan ukon tag-ilinit.
-MAYOR RONNIE DADIVAS
