Ang City Health Office padayon nga nagalibot sa kabarangayan kag nagapatigayon sang Philhealth Konsulta On-site Profiling kag libre nga Medical kag Dental Check-up.
Madamo ang naka-avail sang libre nga konsultasyon sa ila balatian, nakapabug-not sang ngipon, libre nga bulong kag maintenance medicine sa mga may highblood sa Loctugan.
Dala sang CHO sa paghatag sang libre mga medical services sa barangay ang Araneta Mobile Hospital Bus nga ginpahulam sa aton sang J Amado Araneta Foundation (JAAF).
“Daku gid nga bagay sa amon nga diri mismo sa barangay nagkadto ang City Health. Indi na kami maggasto kadto sa syudad kag magpila kay diri mas madasig kay taga diri lang ang ginaatubang nila. May libre pa nga bulong,” siling sang taga-Loctugan.
