Ang aton team sa City Health Office kag Philhealth nagalibot sa kabarangayan sa Roxas City sa pagpatigayon sang Konsulta On-site Profiling, libre nga Medical Check-up kag Dental Service.
Kahapon, 131 ka pumoluyo ang naka-avail sang libre nga Medical Check-up, bugnot sang ngipon kag may libre pa nga bulong sa Barangay Bato kag 116 naman sa Tanza ang ila naserbisyuhan. On-going man subong ang libre nga konsultasyon sa Barangay Liong.
“Daku gid ya nga bagay sa amon nga mga tigulang na nga nagakadto sa Barangay ang City Health para ma eksamin ang amon ginabatyag sa lawas, may libre pa nga bulong sa akon high blood. Siling pa ni Doc, sa sunod hatagan pa kami maintenance kay naka-profile na kami sa ila record. Salamat gid Mayor Ronnie Dadivas sa imo pag-ulingag sa amon,” siling sang taga-Tanza.
