Nagpaidalum kita sa 2 ka adlaw nga Training agud mapabakud ang aton City Health System Program nga kabahin sa hilikuton sang Municipal Leadership and Governance Program (MLGP) sang Department of Health Region VI.
Kaupod ko diri sanday Vice Mayor Inday Teresa Almalbis, City Councilor Pip Acepcion, City Administrator Love Usison, City Health Officer Lory Cahilog, Mr. Ronald Amigo, mga katapo sang Local Health Board kag iban pa nga kaupdanan naton sa implementasyon sang programa sa ikaayong-lawas.
Sa sini nga training aton ginpakigbahin ang repleksyon kag eksperyensya sa Deep Dive Activity: Zero Open Defecation Program sa Barra kun sa diin akon mismo ginkadtuan ang mga pamilya nga tubtob subong wala gihapon sang kaugalingon nga kasilyas o CR. Paagi sa amon personal nga pag-istorya sa ila mas naintindihan naton ang sitwasyon kag makahimu kita sang Action Plan agud masolusyonan ang problema nga makaapekto sa ikaayong-lawas.
-MAYOR RONNIE DADIVAS
