Nagpatigayon kita sang Consultative Meeting kaupod ang pamunuan sang DepEd kag Private Schools sa Roxas City angut sa estado sang klase nga apektado sang tuman ka init nga panahon. Ini nga meeting ginpangunahan nanday City Administrator Love Usison, DepEd Roxas City Division Superintendent Dr. Roel Bermejo, CDRRMO, City Health kag City DILG.
Ginhatagan naton sang kahigayunan ang pamunuan sang mga eskwelahan nga magpalab-ot sang ila concerns kag suhestyon agud indi masakripisyo ang pagtulun-an sang samtang ginaproteksyunan ang kabataan kag manunudlo sa epekto sang masami nga pagtaas sang heat index. Ini mangin basehan naton sa pagbalay sang panibag-o nga polisiya sa implementasyon sang face to face, distance learning ukon suspensyon sang klase.
