Manugtapos na ang Phase 1 sang aton People’s Park Redevelopment Project sa Baybay. Gani subong pa lang ginaplanuhan na naton ang masunod nga tikang sa pagpatahum sang baybayon. Nagapanguna diri ang pagbalay sang Baybay Beach Comprehensive Development Master Plan.
Upod ang DPWH, DENR, SP Committee on Tourism Promotion and Development kag iban pa nga departamento nagpatigayon kita sang Consultative Meeting sa mga stakeholders, mga tag-iya sang restaurants, commercial establishments kag lot owners bangud kabahin sila sa pagplano agud ma-level up ang Baybay bilang isa ka responsible, eco-friendly kag sustainable tourist destination sa Roxas City kag Capiz. Aton ginpamatian ang ila nga ideya nga makabulig sa paghimu sang maayo nga master plan. Nalipay ako mabatian ang positibo nila nga opinyon kag suporta sa aton plano.
Kon indi naton ini maplanuhan subong, sin-o pa ang maplano sini? Kanugon sang oras nga usikan naton agud mapatahum ang aton baybayon kag matib-ong ang turismo, negosyo kag ekonomiya sang Roxas City.
-MAYOR RONNIE DADIVAS
Nice plans hopefully will continue the good governance of the city congratulations to the whole city of roxas government goodluck everyone