Abril 15, 1948, 76 anyos na ang nagligad sang nagtaliwan ang pinalangga kag ginapabugal nga anak sang Capiz, President Manuel Acuña Roxas. Apang ang iya legasiya nagapabilin kag padayon naton nga ginadumdom ang iya daku nga hinimuan kag kontribusyon sa pagbangon sang aton pungsod sa halit nga gintuha sang World War II.
Bilang pagdumdom kay Presidente Manoling ginpatigayon naton ang Wreath-laying Ceremony sa iya monumento nga ginpangunahan sang iya apo nga si Paolo Roxas, anak ni anay Secretary Mar Roxas kaupod ang mga opisyales sang syudad kag probinsya, pamilya Roxas, Gerry Roxas Foundation kag sang aton mga kapulisan sa Roxas City PNP kag Capiz Police Provincial Office.
Sa ngalan sang iya pamilya ginpaabot ni Paolo ang pagpasalamat sang Roxas Family padayon nga pagpreserbar sang legasiya sang iya lolo Manoling kag ang pagdumdom sa iya ginpakita nga dedikasyon, commitment kag pagpalangga sa pungsod nga inspirasyon naton agud mangin maayo nga lideres
