Ginbisita kita kaina sa opisina sang bag-o nga Bureau of Internal Revenue (BIR) District Officer sang Roxas City nga si Ma’am Nelia Demalata.
Iya ginbalita sa aton nga subong nga tuig nagasaka ang ila tax collection sa Roxas City patimaan sang kooperasyon nga ginahatag sang pumoluyo labi na sang lokal nga mga negosyante nga regular nga nagabayad sang ila buwis.
Kita naman sa City Government nagasiguro nga ang buwis nga ginabayad sang tawo nagabalik sa ila pinaagi sa mga programa kag proyekto nga nagatupa sa ila kag sa barangay.
