Kabahin sa hilikuton sang Municipal Leadership Development Program (MLDP) Scholarship sang Department of Health Region VI nga aton ginpasakupan sang nagligad nga bulan agud mapaayo ang serbisyo sa ikaayong-lawas sa syudad amo ang pagpatigayon sang DEEP DIVE: ZERO OPEN DEFECATION PROGRAM.
Ini isa ka aktibidad kon sa diin ako mismo ang nagkadto sa barangay kag panimalay nga na-identify naton nga tubtob subong wala pa madeklarar nga ZOD (Zero Open Defecation) nga kinahanglan hatagan sang nagakaigo nga solusyon.
Sa 47 ka barangay sa Roxas City, isa ang Barangay Barra sa 15 ka kabarangayan nga ang kalabanan yara sa coastal area nga ang problema amo ang kakulangan sang kaugalingon nga kasilyas (CR) sa mga pamalay.
Base sa datus kapin sa 77 ka panimalay sa Barra ang wala sang kaugalingon nga CR
Nakighinun-anon kita sa mga barangay opisyales kag tag-iya sini nga panimalay agud masolusyunan ang nasambit nga problema.
Kaupod naton sa Deep Dive si Dr. Mary Joy D. Castroverde Head, HSIMEC, DOH WV CHD, Provincial DOH Officer – Capiz, CHO Head Dr. Lory Cahilog, Mr. Ronald Amigo kag Mr. Pancho Espiritu.
