Kaupod kita sang DepEd Roxas City Division sa pagpasidungog kag pagpanginbulahan sa mga manunudlo kag eskwelahan nga nagpakita sang maayo kag talalupangdon nga performance subong nga tuig pinaagi sa 2023 TINIMAKASAN Awards.
Ang programa nga ini sang DepEd Roxas City Division sa pagpanguna ni Schools Division Superintendent Dr. Roel Bermejo aton gid ginasuportahan agud mahatagan kahigayunan nga makilala ang pagtimakas kag daku nga kontribusyon sang mga manunudlo sa paghatag sang dekalidad nga edukasyon sa aton mga kabataan.
Sa masobra 1500 ka teaching kag non-teaching personnel sang DepEd Roxas, salamat sa inyo dedikasyon kag pagpalangga sa trabaho. Kamo amon gid ginadayaw kag gina-apresyar.
Kaupod ko man nga nagtambong sanday Assistant Regional Director Dr. Victor G. De Gracia Jr., Capiz Governor Fredinel Castro kag Board Member Thea Faith Reyes.
-MAYOR RONNIE DADIVAS
