Wala sang sudlan ang kalipay nga aton nabatyagan sang aton masaksihan ang matam-is nga yuhom sang linibo ka kabataan nga nagaudyak sa kalipay sang ila mabaton ang bag-o nga Bag sang Kaalam.
Ang Bag sang Kaalam isa sa aton prayoridad nga programa agud mahatagan sang kalidad nga edukasyon ang tanan. Aton ginasiguro nga ang pondo para sa edukasyon paagi sa Local School Board (LSB) kag DepEd Roxas City Division talapud nga matunga sa kaayuhan sang mga estudyante, manunudlo kag eskwelahan.
20,927 ka Kinder tubtob Grade 6 students sa 41 ka pampubliko nga elementary schools sa Roxas City ang nagbaton sang libre nga bag nga may dala nga school supplies kapareho sang notebooks, papel, crayon, lapis kag iban pa nga kagamitan nga importante sa ila pagtulun-an.
“Sang tiyempo namon wala gid kami makabaton sini. Swerti indi lang ang kabataan pati na kami nga ginikanan kay menus gastos na. Sa kabudlay sang pangabuhi indi na kami halos makabakal sang gamit sang mga bata,” mensahe ni Nanay Rhoda.
Sana ako makabaton MN ma’am 3kid