Kasadya sang aton katigulangan indi naman matupungan tungod subong nga adlaw nag-abot naman ang social pension para sa 3,313 tanan ka Senior Citizens.
Sila nagbaton sang tig-3,000 pesos nga pensyon halin sa DSWD para sa 3rd Quarter subong nga tuig.
Nahibaluan ko nga gamay lang sila nga porsyon sang mga katigulangan naton sa Roxas City nga nagakinahanglan man sang pensyon apang asta subong wala pa makasulod sa programa bangud kulang ang pondo.
Kita nagdesisyon nga maghimu sang Localized Pension nga programa para sa mga senior citizen nga mas nagakinahanglan sang bulig. Amat-amaton naton ini. Ang aton kasimanwa nga si Paolo Roxas hugot gid nga nagasuporta sa aton plano.