Una nga agenda sa amon meeting ni District Engineer Cecil Laurence Cruz kaupod ang mga katapo sang DPWH Regional Office VI ang preparasyon sa pagsugod na sang desiltation kag dredging operation ukon pagkutkot sa Panay River diri sa Roxas City.
Importante gid katama sa aton nga makutkutan kag makuha ang mga bun-od sa asuba nga naganabaw na kag madamo sang nagaharang sa hilway kag madasig nga pag-ilig sang tubig. Paagi sini mapahagan-hagan ang epekto sang baha. Ginhingyu ko sa DPWH nga umpisahan ang desiltation kag dredging operation sa bukana sang suba sa Barra, Bato kag Banica pakadto sa Punta Cogon.
Madamo nga salamat kay Governor Fredenil Oto Castro tungod sa iya pagpanikasog, natigayon ini nga proyekto.
-MAYOR RONNIE DADIVAS
