Ang European Chamber of Commerce of the Philippines (ECCP) – Western Visayas kag Pueblo de Panay Inc. nag-organisar sang isa ka round table discussion upod sa aton sa Roxas City LGU, Capiz Provincial Government sa pagpanguna ni Governor Fredenil Oto Castro kag Capiz ICT Council agud hinalaan ang roadmap sang ICT-BPM Industry sa Roxas City kag Capiz kag ang potential partnership sang LGU kag private sector sa pagpasanyog sang ICT Industry.
Nangin resource speaker sa sini nga diskusyon si Mr. Jack Madrid, President & CEO sang IT Business Process Association of the Philippines (IBPAP) nga nagpakigbahin sang iya technical expertise kag mga ideya sa pagpreparar sa pagsulod sang dugang nga investors sa ICT-BPM Industry, mga dapat himuon nga innovations kag talent development.
Nagalaum kita nga ini nga round table discussion makabulig gid sa mga masunod nga tikang nga aton himuon para sa mas epektibo nga pagganyat sang mas madamo pa nga investors sa BPO Industry sa Roxas City kag Capiz.
