Ang Environmental Management Bureau sang Department of Environment and Natural Resources sa pagpanguna ni EMB Capiz Head Engr. Marlon Bonite nagpatigayon sang inspection sa ginapahamtang nga bag-o nga High Density Polyethylene (HDPE) sa Sanitary Landfill sang Roxas City sa San Jose.
Ginlantaw sang EMB kon nagasunod kita sa standard kag requirement kapareho sang kalaparon kag kadamulon sang HDPE kag pagsigurado nga matabunan sang maayo ang duta nga ginasudlan sang basura agud indi makontaminar sang anuman nga kemikal ukon waste materials ang tubig sa mga lugar sa palibot sang landfill.
