Nabaton subong nga adlaw sang San Jose Rice Farmers and Workers Association kag Kasanag Pinaypayan Bolo Farmers Association ang mga makinarya sa panguma nga aton ginhingyu sa Department of Agriculture pinaagi sa Philippine Center for Postharvest Development and Mechanization (PhilMech) RCEF Mechanization Program.
May kaugalingon na subong nga harvester kag tractor ang San Jose Rice Farmers and Workers Association nga gintugyan naton kaina. Malipayon man ang Kasanag Pinaypayan Bolo Farmers Association bangud may bag-o na sila nga traktura sa uma. Paagi sini nga mga makinarya mabuligan naton ang mga mangunguma nga mapahapos ang ila trabaho.
“Nagapasalamat kami kay Mayor Ronnie sa Iya pagpatikasog nga mahatag sa amon ini nga makinarya.Maswerte kami nga isa ang amon asosasyon nga napilian kami nga mangin resipyenti sini nga proyekto nga mapuslanon gid sa amon pagpanguma,” siling ni Manong Rodolfo Capapas Sr., Presidente sang San Jose Farmers and Workers Association.
