UPDATE: Alas 2:47 subong nga hapon sang gindeklarar sang aton mga katapo sang Bureau of Fire Protection nga dalayon na nga natapna ang sunog sa Barangay 7 kag subong nagapadayon ang clearing operation.
Apang ginakasubo ko gid ipahibalo nga bangud sa sunog 2 gid ka kasimanwa naton nga senior citizen ang nadulaan sang kabuhi kag gin-ubos gid tupok sang sunog ang puluy-an sang ginatos ka pumoluyo. Halos tanan sa ila wala gid sang may nasalbar nga pagkabutang bangud sa madasig nga pag-ibwal sang kalayo.
Ang Roxas City Government gilayon nga nagresponde sa paghatag sang immediate assistance sa mga biktima sang sunog. Nag-establisar kita sang Command Post sa Barangay 7 kaupod ang aton CDRRMO, CSWDO, City Health Office, City Engineers Office, Electrical Division kag iban pa nga talatapan agud maghatag pagtamod sa ila kinahanglanon.
Plano naton nga temporaryo anay nga himuon nga evacuation center ang Rufina Andrada Memorial School. Ginapasalig naton sa kada pamilya nga nasunugan nga sa tion sang krisis nga ila ginaatubang indi naton sila pagpabay-an.
-MAYOR RONNIE DADIVAS
