Libre na ang tilig-angon sang malapit isa ka libo ka pamilya sa Mongpong.
Ginhingagaw naton dul-ong kaina sang hapon ang tig-15 kilos nga bugas nga konsumo nila bangud nahibaluan namon nga nagalakot na ang ila problema, halin sa tuman nga pagtaas sang presyo sang bugas tubtob sa halit sang Red Tide sa pangabuy-anan sang mga manugpanginhas.
Gin-updan ako ni Paolo Roxas, ang anak ni Senator Mar sa pagpangamusta sa aton sa sitwasyon sang taga-Mongpong kag pagpaabot sang aton pag-ulingag. Paagi sa ayuda nga bugas masiguro ta nga wala sang magutuman sa ila pamilya.
“Daku nga bagay sa amon nga makalibre sang 15 kilos nga bugas. Sa tuod lang maswerti gid kita sa Roxas ikumparar sa iban nga nagaantos sa gutom bangud wala sang inugbakal bugas nga tilig-angon kay sobra na gid ang kamahalon,” siling sang taga – Mongpong.
