Dabest ang Huwebes para sa taga-Inzo kag Adlawan kay ang bugas nga libre nga ila ginahulat nag-abot na.
“Indi na kami magtalang-talang pangita sang tilig-angon kay ari na ang libre nga bugas. Dako gid ni ya nga bulig labi na subong nga kamahalon sang bugas. Dugang pa sa palas-anon sa adlaw-adlaw nga gasto,” siling sang taga – Inzo.
Padayon ang aton distribusyon sang 15 kilos nga bugas sa kabarangayan labi na subong nga ini ang inyo kinahanglan. May kan-on na nga saluhan sa lamesa ang 668 ka pamilya sa Inzo kag 654 ka pamilya sa Adlawan.
