Ako nagapasalamat gid sa aton mga Groundskeeper kag Clean-up Crew nga gina pangunahan ni Mr. Joel Daria sa inyo sakripisyo agud mapabilin nga matinlo ang Roxas City labi na subong nga Sinadya. Kaina alas – 4:30 sang aga na sila nakatapos panghimus sang nabilin kag naglapta nga basura sa palibot sang plaza.
May gusto lang ako hingyuon sa aton pumoluyo sa mga nagaupod sa Sinadya, sa mga nagabaligya sa mga kiosks kag iban pa. PALIHOG HIMOS SANG INYO KAUGALINGON NGA BASURA. Ihaboy sa insakto nga lugar, indi paglaptaha ukon ihaboy bisan diin lang.
Madamo kita sang ginbutang nga basurahan sa palibot sang plaza kag iban pa nga venue.
Ang pagmentinar sang katinlo sang aton syudad indi lang obligasyon sang aton mga Groundskeeper. Obligasyon naton ini tanan bilang responsabli nga pumoluyo sang Roxas City.
-MAYOR RONNIE DADIVAS
