Maswerti ang Loctugan Integrated Farm School nga sa madamo nga eskwelahan sa Western Visayas, isa sila sa pito ka eskwelahan nga napilian nga resipyenti sang One – Classroom School Building halin sa DepEd Regional Office VI-Jalandoni Estate Fund.
Aton gin-updan kaina ang ginpatigayon nga Groundbreaking Ceremony sang pagatukuron nga classroom sa pagpanguna ni DepEd Region VI Director Dr. Ramir B. Uytico, CESO III, Schools Division Superintendent Dr. Roel Bermejo, Mr. Mario G. Cerujano, Principal, Vice Mayor Inday Teresa Almalbis, Councilor Pip Acepcion, Jalandoni Estate Representative Gloria de Taleon kag iban pa nga opisyales sang DepEd Roxas.
Salamat gid Jalandoni Estate Fund kag DepEd Regional Office VI sa pagpili sa Loctugan Integrated Farm School nga makabaton sini nga proyekto nga makabulig paayo sang pagtuon sang masobra 700 ka estudyante. Aton ginapasalig ang padayon nga suporta sa mga inisyatibo kag inobasyon agud mas mapasangkad pa ang ila potensyal bilang isa ka farm school. Importante ini agud makumbinsi naton ang kabataan nga magtuon sa agrikultura para sa maayo nga buas damlag kag bastante nga suplay sang pagkaon/food security.
