Ang Roxas City isa sa 15 ka syudad sa bilog nga Pilipinas nga napilian sang Department of Transportation kag Land Transportation Office nga mangin resipyenti sang Traffic Management Mentorship Program (TMMAP) Component B Traffic Signalization and Installation of Systems.
Subong nga adlaw ginpatigayon na naton ang Groundbreaking sang proyekto sa DPWH KM 1 agud maumpisahan ang implementasyon nga makabulig paayo sa dalagan sang trapiko kag pagpabakud sa mga ginapatuman nga road safety policies paagi sa paghanas sa aton mga traffic personnel.
Ginapabugal man naton nga sa bilog nga Region 6 kita ang una nga makaangkon sang Traffic Signalization nga may AI ukon sensor.
Kaupod naton sa groundbreaking sanday LTO Region 6 Assistant Regional Director Atty. Gaudiosco Geduspan Il, LTO Capiz Head Lourdes Casipi, Engr. Joven Embanecido-KIV Marketing Site Engineer, mga konsehales sang aton syudad, CMO Transport Division Head Engr. Juvy Tabaranza, TMU Head Gonzalo Andrada Jr. kag mga department/unit heads sang City Government
