Sang nagligad nga mga binulan talalupangdon ang pagtaas sang kaso sang dengue sa Roxas City kag Capiz. Amo ini ang ginreport sang City kag Provincial Health Office sa ginpatigayon nga Health and Dengue Awareness Forum nga gintambungan sang mga Barangay Kapitan sa pagpanguna ni Liga President Roberto Ross Roldan, SK Chairpersons sa pagpanguna ni SK Federation President Martin Antonio Pimentel Jr kag City DILG Officer Mr. Ginno Salamanca.
Nakasugtan sa meeting ang pagpatigayon sang Simultaneous Clean-up Drive sa 47 ka kabarangayan sa Roxas City sa Sabado, Enero 20. Gani, aton ginaganyat ang publiko nga makigbahin sini nga inisyatibo agud matapna ang pagdamo pa sang biktima sang dengue.
