Kaina sang aga ang aton Meat Inspection Team may ginkumpiskar nga HOT MEAT nga gintuyo pasulod sa Teodoro Arcenas Trade Center (TATC). Ini matapos nga madiparahan sang aton Market Security Personnel nga wala sang stamp ang baboy pamatuod nga wala ini makaagi inspeksyon kag katay sa Slaughter house. Gilayon nila nga ginlubong ang nakumpiskar nga karne sang baboy kag mga kasudlan.
Dismayado ako sa kasubong sini nga estratihiya sa pagnegosyo. Wala naton ini ginatolerar. May mga tikang kita nga pagahimuon agud ang ilegal nga buluhaton kapareho sini indi na maliwat.
Panugyan sa nagabakal sang karne sa TATC man o sa iban nga lugar siguruha gid nga may ari ini sang tatak ukon stamp kag Meat Inspection Certificate (MIC) halin sa Slaughter House. Amo ini ang magasiguro nga hilway sa ano man nga sakit ang baboy kag indi double dead ang karne nga inyo pagakauno
-MAYOR RONNIE DADIVAS
