Inauguration and Blessing of new Facilities for Palina Greenbelt Eco Park
Ginpatigayon subong ang inagurasyon kag blessing sang mga bag-o nga pasilidad sa Palina Greenbelt Eco Park sa Sitio Cablatan, Cagay nga gintugyan sa Palina River Development Association (PARIDA).
Ang PLDT Smart Foundation Inc., TV 5 Alagang Kapatid Foundation kag One Meralco Foundation naghatag sang pondo sa pagpaobra kag pag-repair sang 6 tanan ka mga balsa ukon floating Cabana kag bangka kag life vests.
Kalakip man sa gin-inagurahan ang ginpa-obra sang City Government nga bag-o nga Cabana / balsa, receiving area/ bamboo walkway, cctv cameras, baroto, life vests, radio handsets kag iban pa nga kagamitan nga kinahanglanon para mapaayo pa gid ang ila serbisyo nga makaganyat sang madamo nga turista.
“Daku gid nga bulig ang donasyon sang PLDT Smart Foundation Inc., TV 5 Alagang Kapatid Foundation, One Meralco Foundation kag ang padayon nga suporta sang Roxas City Government agud makabangon kami liwat. Halin sang Yolanda asta sang Ursula ara sila nagabulig. Ang Palina ang amon ginasaligan nga pangabuy-anan nga nakapakaon sa amon pamilya kag nakapatapos sa amon kabataan,” PARIDA Member.
Salamat gid sa aton partner sa pribado nga sektor, sa MVP Group of Companies sa ila bulig sa mga miyembro sang PARIDA, kanday TV5 Alagang Kapatid Foundation Executive Director Ms. Menchie Silvestre, One Meralco Foundation President Jeffrey Tarayao, PLDT Smart Foundation President Ma. Esther Santos kag Ms. Cheryl Cosim sa pagpadulong diri sa Roxas City agud ma turn-over ang ila bulig.
Si Vice Mayor Inday Teresa Almalbis upod si City Councilor Bordoy Viterbo ang nagrepresentar sa akon sining importante nga aktibidad para sa taga-Palina.
