Ari na ang pensyon nga ginahulat sang aton mga Indigent Senior Citizens sa Roxas City halin sa DSWD.
Batyag ko ang ila kalipay bangud ang anay 500 pesos nga pension kada bulan nangin 1,000 pesos na ukon kabug-usan nga 6,000 pesos sa anum ka bulan. Bisan paano makapiyan-piyan ini sa mga importante nga kinahanglanon sang aton mga lolo kag lola labi na ang bulong kag pagkaon.
Sa una nga hugna sang distribusyon ang 1,282 ka Seniors halin sa Dayao, Milibili, Lawaan, Tanque, Olotayan, Bolo, Cabugao, Lonoy, Lanot, Jumaguicjic, San Jose , Loctugan, Bago, Bato kag Adlawan ang nakabaton sang pensyon.
Kabalo ako nga madamo pa gid kita sang katigulangan sa Roxas City nga nagalaum man nga mahatagan sang social pension apang bangud limitado lang ang pondo 3,313 lang gid sa masobra 12 mil ka Seniors ang nakasulod sa programa. Ini ang rason nga nagatinguha kita subong nga magdihon sang programa nga magatutok naman sa kinahanglanon sang mga seniors nga wala sang pension bangud sila nagakinahanglan man sang aton bulig.
-MAYOR RONNIE DADIVAS
