Isa sa mga ginatutukan naton sa isla sang Olotayan ang pagbulig sa pagpaayo pa gid sang kalidad sang edukasyon kag pagpakay-o sang pasilidad sang Olotayan Integrated School.
Kabahin diri ang pagpakay-o sang classroom nga madugay na nga nasunog kag ginamantineran nila gamiton agud may hulot nga mapasilungan samtang naga-klase. Aton gin-inspeksyon ang konstruksyon kag aton tinguhaan nga sa labing-madali nga panahon mapahuman ini agud sa amat-amat maplastar man ang pagtuon sang kabataan labi na subong nga nagadamo ang ila populasyon bangud may Senior High School na sa isla.