Kahapon nagpatigayon kami sang Local Health Board (LHB) Meeting kaupod sanday Dr. Mary Joy Castroverde sang DOH Capiz, Dr. Leah Del Rosario sang Provincial Health Office, City Health Officer Dr. Lory Cahilog kag iban pa nga katapo sang health board.
Amon gin-istoryahan ang mga importante nga proyekto kag programa sa ikaayong-lawas kaangay sang Super Health Station, pagdugang sang medical equipment, plano nga pagtukod sang HIV Treatment Hub, pag-review sang Memorandum of Agreement para sa implementasyon sang Inter-Local Government Unit Cooperation Towards Organized Provincewide Health System Integration sa probinsya sang Capiz.
Isa man sa aton ginhatagan sang pagtamod amo ang pag-aprubar sang Annual Operation Plan for 2024 sang City Health Office kag Disaster Risk Reduction and Management Health Plan for 2023-2025 nga iga-endorso naton sa Sangguniang Panlungsod kag iban pa.
-MAYOR RONNIE DADIVAS
