Nagpatigayon kita subong nga adlaw sang Local Health Board Meeting. Kaupod ang aton Roxas City Health Officer Dr. Lory Cahilog amon ginhinalaan ang update sa mga prayoridad naton nga programa kag proyekto nga ginapatuman sa barangay.
Kalakip diri ang padayon nga paghatag sang LIBRE nga Medical kag Dental Mission, PhilHealth Profiling, konstruksyon sang Super Health Station kag padayon nga kampanya kontra Dengue kag iban pa nga balatian.
Aton ginhatagan importansya sini nga sinapol ang Municipal Leadership and Governance Program Roadmap Review may kaangtanan sa insakto nga implementasyon sang mga polisiya, pondo kag mga programa sa ikaayong-lawas.
