Subong nga 2024 madamo kita sang plano para mapaayo pa gid ang kalidad sang edukasyon sa pampubliko nga eskwelahan sa elementarya kag integrated schools sa Roxas City.
Sa meeting sang Local School Board kaina amon gin-aprubahan ang proposed Annual Budget nga gamiton para mapondohan ang pila ka mga proposed priority programs kag projects sang DepEd Roxas kag LSB . Kalakip diri ang ginaplano naton nga paghatag sang libre nga uniforms sa mga estudyante, pagpatindog sang Central Kitchen, pagbakal sang robotics learning sets, digital tablets, pag-establisar sang Digital Innovation Centers, pagpakay-o sang mga eskwelahan kag madamo pa.
Aton ginasiguro nga paagi sa Local School Board pagasuportahan sang Roxas City Government ang importante nga kinahanglanon sang DepEd Roxas City Division sa pagpanguna ni Schools Superintendent Dr. Roel Bermejo para sa kaayuhan sang pagtulun-an, estado sang mga eskwelahan, mga estudyante pati na sang aton mga manunudlo.
