Ini nga adlaw gintalana naton sa pag-inspeksyon sa pila ka mga ginpatuman kag natalana iimplementar nga proyekto sang Roxas City Government subong nga 2024.
Una naton nga gin-inspeksyon ang Dinggoy Roxas Civic Center nga ginapakaayo bilang preparasyon sa pag-host naton sa konsyerto sang The Philippine PhilHarmonic Orchestra sa Enero 21. Luyag ko man mahibaluan ninyo nga sa masunod nga binulan nakalinyada na ang pagpakay-o kag pagpatahum sang aton Civic Center.
Ginkadtuan man naton ang madali na lang matapos nga konstruksyon sang karsada sa Sitio Bagongon, Culasi kag ang ginpaubra nga Temporary Learning Facility sa Culasi National High School. Gin-istorya ko ang mga manunudlo sa mga dapat himuon agud makabulig ang syudad sa pagpakay-o sang sitwasyon sang eskwelahan.
-MAYOR RONNIE DADIVAS
