Gindala naton sa Barangay Jumaguicjic subong nga adlaw ang libre nga Medical and Dental Mission agud mapalapit sa pumuluyo sa kabarangayan ang serbisyo medikal nga ila kinahanglan. Indi na nila kinahanglan magkadto sa sentro sang syudad agud makapa-check-up sang ila balatian.
Ang aton mga doktor, nurses kag personnel sang Roxas City Health Office sa pagpanguna ni CHO Head Dr. Lory Cahilog kaupod ang Red Cross naghatag sang libre nga konsulta sa ikaayong-lawas sang mga katigulangan kag kabataan, libre nga bugnot sang ngipon kag dental check-up. Nagpanghatag man kita sang bulong sa mga may ginabatyag kag health education.
