“Sa aton kabuhi, importante ang tubig”
Sa pagbukas sang Kaadlawan 2024, gin-updan naton ang MRWD sa ila paghiwat sang Metro Roxas Water District Appreciation Day. Ini nga okasyon nagakilala sa mga indibidwal nga may daku nga kontribusyon sa implementasyon sang mga proyekto sang ahensya agud mahatag ang maayo nga serbisyo kag matinlo nga tubig sa aton kasimanwa.
Ang aton pinalangga kag nagtaliwan nga si Congressman Dinggoy kag anay Senador Mar Roxas nangin instrumento kag may daku nga bulig sa pagpakaayo kag pagpalapad sang serbisyo sang MRWD. Halin sa masobra lang 1,000 nagaserbisyo na subong ang MRWD sa masobra na 42 mil ka miyembro konsumidor sa Roxas City, Panay, Panit-an kag Ivisan.
Gani subong, bisan El Niño, tayuyon ang pagtubod sang tubig sa Roxas City kag iban nga banwa. PREPARADO ang MRWD.
Si Paolo Roxas, ang gumangkon sang aton anay Congressman Dinggoy kag anak ni Senador Mar ang nagbaton sang sertipiko sang pagkilala halin sa MRWD kag nagpaabot sang pagpasalamat sa honor kag pagdumdom sa legasiya sang iya pamilya nga nangin mapuslanon sa aton kasimanwa.
Salamat sa imbitasyon General Manager Dante Arcangeles kag sa maayo nga partnership sang syudad kag sang MRWD.
