Temprano nga paskwa sa aton mga lolo kag lola ang pag-abot sang ila Social Pension para sa ikaduha nga semester subong nga tuig.
3,313 tanan ka mas nagakinahanglan nga senior citizens ang nagbaton sang tig-3 mil pesos nga pensyon halin sa DSWD.
Ginhingyu naton nga kumpletuhon na ang paghatag sang pensyon sa 2nd semester antes pa mag-abot ang Disyembre agud mabakal nila ang ila kinahanglanon.
Ini ginpanagtag naton sa nagkalain-lain nga payout areas sa barangay agud malapit kag indi na sila mabudlayan.
“Ginahulat-hulat gid namon ang amon pensyon. Pagbanta ko gani 1,500 lang ang i-release subong gin-abanse na gali. Salamat gid Mayor Ronnie kag DSWD sa pag-ulingag sa mga katigulangan. Indi na delay , advance pa. Makabulig gid sa amon kinahanglan,” siling sang lola sa Dayao.
