Madamo pa kita sang dapat matun-an kon ikaayong-lawas ang istoryahan. Bilang inyo Mayor dako ang amon papel agud mapaayo ang kalidad sang serbisyo sa ikaayong -lawas sa aton pumoluyo.
Amo ini ang rason nga ginatinguhaan naton nga makasulod sa Municipal Leadership and Governance Program (MLGP) Cycle 4 sang Department of Health Western Visayas.
Kaina sa Final Selection sang MLGP akon ginpresentar upod ni City Health Officer Dr. Lory Cahilog kag CENRO Head Ronald Amigo ang sitwasyon sang Health Care System sa Roxas City, mga ginahimu kag plano pa nga himuon agud mapasangkad, mapadasig kag mas mapalapit sa pumoluyo ang kinahanglanon nga health care services.
Kaupod man naton nga nagpresentar ang alkalde sa pila ka kabanwahan kag probinsya sa Western Visayas.
Salamat sa sini nga oportunidad Dr. Mary Joy Castroverde, Health System Implementation Monitoring and Evaluation Cluster (HSIMEC) Head. Salamat man sa suporta kag bulig Mr. Joeffry Pancho Espiritu, DOH VI Development Management Officer IV.
Ang malakip sa ginapilian nga ma-enroll sa MLGP daku nga bagay sa paglab-ot sang tinutuyo nga Empowered and Healthy Roxas City kita sa 2028 bangud ang ikaayong-lawas amo ang aton Top Priority.
-MAYOR RONNIE DADIVAS
