Nagbukas subong ang 6th Capiz Regional Tourism Expo sa Robinsons Place Roxas sa pagpanguna sang Capiz Provincial Government kag Provincial Tourism Office.
Isa ini ka 3-day tourism event nga may theme “Tourism and Green Investments 2023” ginpasakupan sang 16 ka kabanwahan kag syudad sang Roxas pati na ang pribado nga sektor nga nagapakita sang ginapabugal nga turismo kag produkto sang tagsa ka lugar.
Si Governor Fredenil Oto Castro kaupod si Department of Tourism Region VI Director Crisanta Marlene Rodriguez ang nagpanguna sa pagbukas sang Tourism Expo nga gintambungan man sang nga katapo sang Sangguniang Panlalawigan kag alkalde sa kabanwahan. Nagrepresentar naman sa akon si City Councilor Bordoy Viterbo.
Kadungan sini ginpatigayon man ang Soft Launching sang Capiztahan 2024 kag isa sa mga highlight sang aktibidad ang Balik Capiz Grand Homecoming sa Abril. Ginlunsar man ang Paskwa sang Maragtas: Capiz Christmas Festival.
-MAYOR RONNIE DADIVAS
