Bisita naton kaina sa Roxas City kag Capiz ang grupo ni Tim Tuazon sang Mototesto Overlanding Equipment Philippines sa ikaduha nga adlaw sang ila The Great Philippine Overland Loop Adventure.
Isa ang Roxas City sa mga lugar sa Pilipinas nga ila napilian libuton sa sulod sang 20 diyas nga Overland Adventure. Ang ila natipon nga mga video igapakita sa mga vlogs kag igapasa sa Department of Tourism agud mabuligan promote ang turismo sa makadtuan nila nga probinsya.
Si anay DILG Secretary kag Senator Mar Roxas upod si Paolo Roxas nagpauli liwat agud updan kami ni Governor Fredenil Oto Castro sa pag-abi-abi sa aton bisita. Diri sa Roxas City ginpa – eksperyensya sa ila ang pinasahi kag manami nga Seafood Trip sa Seafood Capital sang Pilipinas kay ginpatilaw ang mga ginapabugal naton nga pagkaon.
-MAYOR RONNIE DADIVAS
