Pagkatapos sang 6 ka bulan sang maid-id nga paghanas, 395 ang madinalag-on nga naggradwar sa Coast Guard Non-Officers’ Course nga ginpatigayon sa Coast Guard Education, Training and Doctrine Command Regional Training Center diri sa Capiz.
Panginbulahan sa Class 96-2022 “Sibol-Sandagat” kag sa ila pamilya. Bunga ini sang inyo pagtimakas.
Kalabanan sa mga bag-o nga enlisted personnel taga-Western Visayas kag iban nga probinsya sa Pilipinas.
Akon ginpaabot personal kay Philippine Coast Guard Commandant Admiral Artemio M Abu ang pagpasalamat sa pagpili sa Roxas City kag Capiz nga mangin Regional Training Center sini nga batch kag suporta sa palaabuton pa nila nga plano agud labi pa nga mapabakud ang pwersa sang PCG nga ginakabig Fronline sa pagproteksyon sang kadagatan nga sakup sang teritoryo sang Pilipinas.Si Admiral Abu amo ang nagserbi nga Guest of Honor sini nga importante nga okasyon.
Kapareho sang ginalauman ni Admiral Abu kabay nga ang 395 nga nag-gradwar mangin maayo nga dugang sa manpower sang Coast Guard kag miyembro sang komunidad. Kabigon nila nga ang ginsumpaan nga propesyon indi lang basta palangitan-an kundi serbisyo publiko kag daku nga responsibilidad sa pungsod.
Akon man ginapanginbulahan kag ginapasalamatan ang mga opisyales sang PCG sa likod sang madinalag-on nga regional training nga sanday Coast Guard Education Training and Doctrine Commander Rear Admiral Eustacio Nimrod P Enriquez, Commander, CG Commodore Arnaldo Lim Commander, CG Western Visayas, Coat Guard Capiz Command Officer CDR Jose Jacinto Jr, CO Regional Training Center CDR Ed Diaz kag Course Director CG LTJG Carlo dela Cruz
-MAYOR RONNIE DADIVAS
