May ara kita sang ginapatigayon subong nga Mid-Year Job Fair sa Robinsons Place sa pagpanguna sang aton Public Employment Service Office (PESO-Roxas) kapartner ang DOLE-Capiz sa pagpanguna ni Provincial Director Joselito dela Banda kag 17 ka kumpaniya/agencies.
Aton gin-facilitate nga hiwaton ini nga Job Fair pagkatapos gid sang graduation agud mahatagan opurtunidad ang mga fresh graduates kag job seekers nga madasig nga makapangita sang trabaho santu sa ila kurso, eksperyensya kag abilidad.
Subong nga aga ginatos na ang nagpila kag nagpasimpalad sa pag-apply. Pwede pa makahingagaw bangud asta pa alas-4 ang job fair. Lakip sa mga Job Opportunities amo ang trabaho sa Call Center, Construction Companies, Food/Commercial Establishments kag iban pa nga local employment opportunities.
Dungan sini ang TESDA-Capiz sa pagpanguna ni Provincial Director Rick Abraham naghatag man sang livelihood training sa mga single parents kag PWD’s samtang ang CSWD may ara man sang ginpatigayon nga selling sang mga produkto sang mga PWD’s sang Roxas City.
