PFDA nagpatigayon sang assessment kag inspection sa ginaduso nga Roxas City Agri-Fishery Complex sa Libas Fishing Port.
Ang mga katapo sang Philippine Fisheries Development Authority (PFDA) nagpatigayon sang inspection kag assessment sa aton ginaduso nga proyekto, ang pag-establisar sang Roxas City Agri-Fishery Complex ukon ang pagpalapad sang Libas Fishing Port.
Personal naton nga ginpaabot sa ila ang mga bentaha sang expansion dulungkaan para sa mas malapad nga operasyon sang aton nga port nga plano naton patindugan sang cold storage, ice plant, warehouse, fish market, seafood market kag restaurant.
Ginkadtuan man nila ang aton Culasi Port nga isa pa gid sa mga proyekto nga luyag naton i-prayoridad bangud ini makabig sentro sang komersyo sa probinsya kag kalapit nga lugar.
Ini nga mga proyekto aton gindangup kay Presidente Bongbong Marcos sa Regional Development Council Meeting kag ginalauman naton nga maimplementar subong nga tuig.
Kalakip sa nagpatigayon sang inspeksyon sanday Ms. Gina Reyes, Manager Planning MISD (Management info Services Department), Ms Luz Ortiz – Port Manager Fishing Port Complex, Juvy Garrido – Port Manager Iloilo Fishing Port Complex, Engr. Darby Macabata – Division Chief Project Planning and Engineering Division subongman Justo Anaquita, Division Chief Harbor and Market.
