Natandaan niyo pa bala si Elijah Alvarez?
Siya ang guinbansagan “Wonder Boy” sang billiards halin sang 8 years old pa lang.
Subong nagasugod na ang iya pagmarka sang pangalan sa patag sang bilyar matapos nga magmadinalag-on sa Arcadia One Pool Youth Virtual Tournament nga guinpasakupan sang nagkalain-lain nga pungsod.
Akon siya personal nga guinpanginbulahan sa iya kadalag-an nga naghatag man bugal sa Roxas City.
Sa amon pag-istorya iya guinpaabot ang iya handum nga mahanas pa ang iya abilidad kag mangin kilala sa sports nga iya luyag. Kita sa City Government magasuporta sa paglab-ot niya sang iya handum.