Salamat Gawad Kalinga, partners and volunteers sa mabinungahon nga pagtakup sang 5-day Bayani Challenge sa Roxas City nga nakabulig sa pila ka komunidad sa syudad.
Daku gid nga bulig ang inyo boluntaryo nga inisyatibo halin sa pagpatahum sang GK Village sa Dinginan, pagpahamtang sang Community Garden, konstruksyon sang septic Tanks sa Culajao kag Cogon, pagpahamtang sang Paraisong Pambata, School Refurbishing sa Tanque, feeding programs kag iban pa nga aktibidad.
Kabay nga magpadayon ining inyo pinasahi nga hilikuton kag madamo pa nga mga BAYANI sa moderno nga panahon ang magapakigbahin sa palaabuton. Handum ko ang kadalag-an sang inyo misyon.
