Jolly Morning! Masadya nga balita ang dala sang Jollibee Group Foundation sa pagbisita ni Partnership and Operations Team Senior Program Ms. LA Cruzat kag Mr. Jan Paolo Vicente, Manager and Program Officer.
Ari sila agud i-renew ang ila commitment sa paghatag suporta sa padayon nga operasyon sang Roxas City Busog Lusog Talino Central Kitchen kag pagpakaayo pa gid sang aton serbisyo sa paghatag sang masustansya nga pagkaon sa mga malnourished children.
Gintanyag man sang JGF ang pag-develop sa aton BLT Central Kitchen nga mangin Training Center ukon venue sa pagtuon kag paghanas sang iban nga grupo ukon LGU nga nagaplano nga magtukod sang ila kaugalingon nga Central Kitchen. Mangin kapartner man kita nila sa implementasyon sang School-based Feeding Program sa masunod nga tuig. Gani indi lang ang 900 ka Day Care Children, kabataan sa Crisis Center kag mga apektado sang Disaster ang aton serbisyuhan sa komunidad sa masunod kundi pati na ang kapin 800 ka kabataan sa 10 ka eskwelahan nga nagaedad 5-12 anyos.
Kaupod namon sa meeting kaina sanday CSWD Head Persy Cordova, City Health Officer Dr. Lory Cahilog, Dr. Consolacion Feca kag Nurse Nelia Espada sang DepEd, City Nutrition Action Officer Dr. Liezl Dela Cruz, Day Care Workers kag iban pa nga kaupdanan sa pagpadalagan sang BLT Kitchen sang Roxas City.
-MAYOR RONNIE DADIVAS
