Isa sa programa sang Roxas City Government ang Bahandi, Order of the Golden Heart nga nagahatag sang pasidungog sa aton mga kasimanwa nga may daku nga kontribusyon sa komunidad kag naghatag sang bugal sa aton syudad.
Kaina, personal naton nga gintugyan kaupod si Paolo Roxas ang pasidungog kay Atty. Geraldine Acuna-Sunshine nga ginbaton sang iya nga anak nga si Teddy Sunshine kag iya iloy nga si Mrs. Ofelia Bermejo Acuña.
Si Atty. Geraldine Acuna Sunshine ang Co-founder sang Sunshine Care Foundation nga aktibo sa bilog nga Pilipinas kag nagabulig sa mga may balatian nga wala ikasarang magpabulong bangud sa kaimulon.