Ginapaidalum subong nga adlaw ang Roxas City Government sa Seal of Good Local Governance (SGLG) Evaluation sang mga katapo sang Regional Assessment Team sa pagpanguna ni RAT Leader LGOO-VII Susan Balsamo kag CSO Representative Jeezaleyn Khey Fuentes kaupod sanday DILG-Capiz Provincial Director Cheryl Tacda kag LGOO-V Rozel Langurayan.
Ila ginlantaw sa evaluation, assessment kag on-site validation kon nagatrabaho kag compliant ang aton tagsa ka departamento sa mga governance areas nga ginalakipan sang Disaster Preparedness, Financial Administration, Health Compliance and Responsiveness, Social Protection and Sensitivity, Sustainable Education Business Friendliness and Competitiveness, Tourism Heritage Development and Culture, Youth Development kag Safety, Peace and Order.
Kita sa City Government nagatinguha gid nga mapaayo ang aton serbisyo sa aton kasimanwa. Gina-welcome naton ang ano man nga rekomendasyon nga ila ihatag sa aton para mapaayo pa gid ang aton mga programa kag serbisyo. Kita kaupod sang aton mga Department Heads ang nagabakas para ma-improbar ang aton pagdumala sa syudad pinaagi sa mga programa kag impact projects nga direkta nga nabatyagan sang pumoluyo.
