Aton ipaabot ang pagpanginbulahan sa Roxas City Police Station sa panibag-o nga kadalag-an kag pagkilala nga ila nabaton halin sa pamunuan sang Philippine National Police. Subong nga adlaw, kadungan sa selebrasyon sang 122nd Police Service Anniversary sa Region 6 nga ginpangunahan ni PNP Chief PGEN Benjamin C Acorda Jr kag PRO 6 Director PBGEN Sidney N Villaflor gin-updan naton si PLTCOL Francisco Paguia sa pagbaton sang pasidungog sa Roxas City Police Station bilang Best Component City Police Station sa Region 6.
Ang Roxas City PNP man ang 1st Runner-Up Best City Police Station (Component City Category) – National Level.
Pamatuod ini sang maayo nga performance kag dedikasyon sang aton kapulisan sa pagmentinar sang kalinong kag katawhay sa syudad, madasig nga pagresolbar sang mga krimen, kampanya batuk sa ilegal nga druga kag iban pa nga programa nga nakabulig sa komunidad.
Congratulations to the men and women of the Roxas City PNP! Padayon kita sa paghatag sang masaligan kag tampad nga serbisyo. Sa gihapon saligan ninyo ang bug-os nga suporta sang City Government sa inyo masunod nga mga inisyatibo.
Nakaupod man naton sa pagtambong sa nasambit nga okasyon si Capiz PPO Provincial Director PCOL Jerome D Afuyog Jr, Maayon Mayor Raymund Malapajo, kag mga opisyales sa nagkalain – lain nga LGU sa Western Visayas.
