Apisar amo sini ang natabo nga pagtilaw sa mga kasimanwa naton nga nasunugan sa Barangay 7, ang amon tagipusuon puno sang pagpasalamat bangud sa wala untat nga pag-abot sang bulig halin sa nagkalain-lain nga tawo, organisasyon kag kabarangayan.
Wala man kami nagpanawagan sang inyo bulig apang ari kamo nagpabutyag sang pag-ulingag kag boluntaryo nga nagpadala sang inyo donasyon. Matuod gid nga buhi sa aton mga Roxasnon kag Capiznon ang ispiritu sang Bayanihan. Naapresyar gid namon ina.
Sa masunod nga inadlaw, tinguhaan namon nga isa-isahon kamo tanan pasalamat.
