Isa ka taga-Roxas City kag produkto sang Capiz State University ang nangin Topnotcher sa ginhiwat nga September 2023 Registered Electrical Engineers Licensure Examination.
Sa 3,945 nga nagkuha sang eksaminasyon, 1,218 ang madinalag-on nga nakapasar kag ang aton kasimanwa nga si Christian Degala Huenda sang Barangay Banica, Roxas City, 3rd Placer sa nasambit nga pasinawan kag nakakuha sang 90.05% Rating.
Ikaduha ini nga tion nga si Christian nangin topnotcher sa eksaminasyon bangud sang nagligad nga September 2022 nangin 3rd Placer man siya sang magkuha sang Registered Master Electrician Licensure Examination.
Aton ipaabot ang mainit nga pagpanginbulahan kay Christian kag labi sa tanan sa iya mga ginikanan kag pamilya nga nagsuporta sa iya tubtob maabot niya ang iya handum.
Congratulations, CAPSU sa pag-angkon sang bag-o naman nga Topnotcher. Padayon sa paghatag sang maayo nga kalidad sang edukasyon sa Roxasnon kag Capiznon!